Urdu Poetry

 "WO SIM TABDEEL KAR LEGI"

Mere Khawabo Ki Shehzadi.
Mere Dil Ki Haseen Malka.
Mere Zahir Ki Ek Tasbeeh.
Mere Batin Ki Ek Masjid.

Kisi Shak Ki Bina Par, Kal
Ghalat Fehami Main Aa Behti.

Meri Har Ek Wazhat Ko.
Meri Masom Qasmon Ko.
Na Khatir Main Zara Lai.
Taluq Khatam Kar Bethi.

Aur Uska Akhri Message.
Mere Inbox Main Aya.

"WO SIM TABDEEL KAR LEGI"

Usy Ye kon Batlaye.
K Sim Tabdeel Karne Se.
Koi Dil K Rawabit Se.
Koi Roohon Ki Wadi Se.
Koi Sochoun K Maskan Se.
Tasawur Se, Khayalon Se.
Kahan Delete Hota Hai.

Usy Ye Kon Smjhaye.
Mera Dil To Wohi Hai Na.
Mere Dil Ki Har Ek Dharkan.
Usi Ka Naam Japhti Hai.
Usi Se Rabte Main Hai.
Musalsal Rabte Main Hai.
Mere Dil Ki Ye Kaifiyat.
Wo Kab Tabdeel Kar Le Gi.

Usi Par Bas Wo Qadir Hai.

"WO SIM TABDEEL KAR LEGI"