bazm meN DhuuNDeNge kal ko ahl-e-maiKhaanaa mujhe
:muddatoN royaa kareNge jaam-o-paimaanaa mujhe:
maiN ki huuN dar-asl arsh-e-fahm-o-daanish par muqeem
aur dunyaa kah rahii hai ek deevaanaa mujhe!
mujh ko saudaaii samajhte haiN tamaam ahl-e-Khirad
dekhiye shaayad kaheN deevaane farzaanaa mujhe!
mujh divaane kii zakaa par mahv-e-hairat haiN vo aaj
jo dikhaate the adaayeN hosh.mandaanaa mujhe
raaz-e-ulfat shahr bhar par ho gayaa zaahir magar
yaar kii nazroN hii ne mutlaq na pahchaanaa mujhe
tark-e-rishtaa hii kii zid hai to mubaark ho tumheN
is qadar ahsaan karnaa, yaad mat aanaa mujhe
baahamii thii, jo Ghalat.fahmii thii apne darmiyaaN
maiN agar tum ko na samjhaa, tum ne kab jaanaa mujhe!
ab maiN is dunyaa-e-begaanaa meN jii kar kyaa karuuN
tum ne bhii jab kar liyaa tasleem begaanaa mujhe
apne to apne, ye maaNge hai zamaane bhar ke Gham
yaa Khudaa! kyoN dil diyaa sab se judaa.gaanaa mujhe!
jalva.haa-e-husn-e-jaanaaN kii lataafat yaad hai
Khuub.tar ab kyaa dikhaayegaa parii.Khaanaa mujhe!
thii niyaaz-e-chashm-e-saaqii bhii gunah gar, ai falak!
kyoN ataa kii thii bhalaa phir tab.a-e-rindaanaa mujhe?
dard.haa-e-zindagaanii ke nashe meN chuur huuN
saaqiyaa! bhaatii nahiiN ab chashm-e-mastaanaa mujhe
der.paaii-e-nishaaN :Abid: hai Khush.fahmii mirii
bhuul jaayegaa zamaanaa misl-e-afsaanaa mujhe!
:muddatoN royaa kareNge jaam-o-paimaanaa mujhe:
maiN ki huuN dar-asl arsh-e-fahm-o-daanish par muqeem
aur dunyaa kah rahii hai ek deevaanaa mujhe!
mujh ko saudaaii samajhte haiN tamaam ahl-e-Khirad
dekhiye shaayad kaheN deevaane farzaanaa mujhe!
mujh divaane kii zakaa par mahv-e-hairat haiN vo aaj
jo dikhaate the adaayeN hosh.mandaanaa mujhe
raaz-e-ulfat shahr bhar par ho gayaa zaahir magar
yaar kii nazroN hii ne mutlaq na pahchaanaa mujhe
tark-e-rishtaa hii kii zid hai to mubaark ho tumheN
is qadar ahsaan karnaa, yaad mat aanaa mujhe
baahamii thii, jo Ghalat.fahmii thii apne darmiyaaN
maiN agar tum ko na samjhaa, tum ne kab jaanaa mujhe!
ab maiN is dunyaa-e-begaanaa meN jii kar kyaa karuuN
tum ne bhii jab kar liyaa tasleem begaanaa mujhe
apne to apne, ye maaNge hai zamaane bhar ke Gham
yaa Khudaa! kyoN dil diyaa sab se judaa.gaanaa mujhe!
jalva.haa-e-husn-e-jaanaaN kii lataafat yaad hai
Khuub.tar ab kyaa dikhaayegaa parii.Khaanaa mujhe!
thii niyaaz-e-chashm-e-saaqii bhii gunah gar, ai falak!
kyoN ataa kii thii bhalaa phir tab.a-e-rindaanaa mujhe?
dard.haa-e-zindagaanii ke nashe meN chuur huuN
saaqiyaa! bhaatii nahiiN ab chashm-e-mastaanaa mujhe
der.paaii-e-nishaaN :Abid: hai Khush.fahmii mirii
bhuul jaayegaa zamaanaa misl-e-afsaanaa mujhe!
No comments:
Post a Comment