Urdu Poetry

 Mujhey Arzoo- e-seher Rahi yunhi raat bhar bari dair tak

Na bikhar sake na simat sake yunhi raat bhar bari dair tak

Hai bohat azaab aur akaily hum, shab e gham bhi meri taweel tar
Rahi zindagi bhi saraab aur rahi aankh tar bari dair tak

Yahan har taraf hai ajab samaan, sabhi khud pasand, sabhi khud numa
Dil e be-qaraaar ko na mila koi chara gar bari dair tak

Mujhay zindagi hai aziz tar isi wastey mery hamsafar
Mujhay qatra qatra pila zehr, jo karey asar bari dair tak

Na sakoon e jaan na shreek e gham mila is jahan mein chaar su
Teri yaad thi meray saath jo rahi dar ba dar bari dair tak

Yahan shehar e dil bhi udaas hai aur ujaar ujaar si rah guzar
Rahey teray baad dhwaan dhwaan meray baam o dar bari dair tak

=============================================

Piyar muhabbat ke hain jitne sab afsa'anay jhootay hain
Saari shamm'eyeN jhooti hain, saare parwa'anay jhootay hain

Apni zaat se badh ke ulfat kon kisi se karta hai
Jaan nicha'awar karne wale sab deewanay jhootay hain


Kab tak aas ka daaman thaamay tal'kh haqa'aeq jhutlaa'ein
Taabirein yeh batlaati hain khawaab suhaanay jhootay hain

Saaf hi keh do hum se milna baar-e-gira'aN hai ab tum ko
Idhar udhar ke jo karti ho laakh bahanay, jhootay hain!

Meray nanhay munnay such ki kia au'qaat wahaN, jiss jaa
Lamhay jhootay, sadia'aN jhooti aur zama'anay jhootay hain

=======================================================

Ussay Keh Do K Wo Mujh Ko Ronay Sy Mat Rokay..
Bikhray Huwoon Ko Toofan Sanbhala Nahi Kartay

Ab Mehar Banion Ki Tumhari Tamana Nahi Humko..
Barastay Huway Baadil Kabhi Ujala Nahi Kartay..

Mat Qareeb Aao Meray Mujhe Bas Younhi Rehnay Dou
Tootay Huway Paimanay Mein Jaam Dala Nahi Kartay

Mat Sunao Logoon Ko Meri Barbaadi Ka Qissa
Kissi Kay Dil Kay Zakhmoon Ko Younh Uchala Nahi Kartay

==================================================

Wohi Gardashain Wohi Paich-o-Kham Tere Baad Bhi,
Wohi Houslay Mere Dum Ba Dum Tere Baad Bhi,

Tere Sath Thi Teri Jafa Mujhay Mo'atabar,
Tere Saaray Gham Mujhay Mohtaram Tere Baad Bhi,

Mere Sath He Meri Har Khushi Teri Muntazir,
Teri Muntazir Meri Chasham-e-Namm Tere Baad Bhi,

Tu Kisi K Qalab-o-ArzoO Mein Dhal Gaya,
Main Na Ho Saka Kabhi Khud Mein Zamm Tere Baad Bhi,

Mere Baad Kitnay He RoOp Tu Ne Badal Liye,
Main Wohin HoOn Ab Teri Qasam Tere Baad Bhi

===================================================================

jindagi ka pahala kash,
natija bedam karane vali khansi!
doosara kash,
halka sa chakkar
halkee si khansi!
tisara kash, 
dimag men ek joradar jhataka! 
ajab sa nasha!! 
klorofarm sunghane par behosh hone se thik pahale si sthiti sa!!
doosari sigaret, 
usi nashe kee chah, 
par nasha halka sa hi!
tisari sigaret, 
fir usi nashe kee chah, 
nasha sigaret dar sigaret kam hote jana!
usi nashe kee chah men sigaret dar sigaret pite jana, 
natija sifar...
ab vah nasha kahan, 
aur jahan vo behoshi sa aalam, 
bas sigaret kee talab..

ye tum si hi nahin hai kya?

===================================================

khoyaa khoyaa udaas saa hogaa
tumse voh shakhs jab milaa hogaa

phir bulaaya hai usne khat likh kar
saamne koi maslaa hogaa

ruuH se ruuH ho chukii bad-zin
jism se jism kab judaa hogaa

qurb ka zikr jab chalaa hogaa
darmiyaaN koii faaslaa hogaa

ghar mein sab so rahe hoNge
phuuL aaNgan meN jal chukaa hogaa

kal kii baateN karoge jab logo!
Khauf saa dil meN ruunuma hogaa

======================================

miTTii thaa kisne chaak pe rakh kar ghumaa diyaa
voh kaun haath the ki jo chaahaa banaa diyaa

jo ab talak chhupaati thii kamre ki roshnii
raastoN kii tiirgii ne voh sab kuchh dikhaa diyaa

pariyoN ke des vaali kahaani bhii khuub thii
bachchoN ko jisne phir yuuN hii bhukhaa sulaa diyaa

ab aur kyaa talaash hai, kyuuN diidaa-rez ho
miTTii meN bas vahii thaa jo tumne ugaa diyaa

kuchh aZhdahe se, kuchh ret pe band siipiyaaN
saahil ko lauTtii huii lahroN ne kyaa diyaa

========================================================

Batao Dil Ki Bazi Main Bhala Kya Bat Gehri Thi? 
Kaha Youn Tu Sabhi Kuch Theek Tha Per Maat Gehri Thi,

Suno Barish ! Kabhi Khudh Say Bhi koi Barh K Deakha Hai? 
Jawab Aya Un Aankhon Ki Mager Barsat Gehri Thi,

Suno Pitam Nay Hoole Say Kaha Tha Kya Batao Gay? 
Jawab Aya Kaha Tu Tha Mager Wo Baat Gehri Thi,

Diya Dil Ka Samandar Us Nay Kya Kiya Is Ko? 
Hamain Bus Doob Jana Tha K Wo Soghat Gehri Thi,

Wafa Ka Dasht Kaisa Tha Batai Tum Pay Kya Beeti? 
Bhatak Jana He Tha Ham Ko Wanha Per Raat Gehri Thi,

Tum Us K Zikar Pay Kion Doob Jatay Ho Khayalon Main? 
Rafaqat Or Adawat Apni Us K Sath Gehri Thi,

Nazar Aya Tumhain Us Ajnabi Main Kya Batao Gay? 
Suno Qatil Nigahon Ki Wo Zalim Ghaat Gehri Thi..!!

===================================================================

Mujhe Har Kaam Se Pehle

Sehar Se Shaam Se Pehle
Yahi Aik Kaam Karna Hai

Tumara Naam Lena Hai, 

Tumhe Ko Yaad Karna Hai

Ke Jab Bhe Dard Pena Hai
Ke Jab Bhe Zakham Sehna Hai

Gham -e-Duniya Se ghabra Kar
Mujhe Jab Jaam Lena Hai

Tumara Naam Lena Hai
Tum He Ko Yaad Karna Hai

Tumari Yaad Hai Dil Mein,

 Aik Sayaad Hai Dil Mein
Khoi Barbad Hai Dil Mein,

issay Abad Karna Hai

Tumara Naam Lena Hai
Tumai Ko Yaad Karna Hai....

Wasi Shah*..

====================================================================

Is Zamanay Say Na Hum Koi Gilaa Rakhain Gain
Dil Lagayein Gain To Na Shart-E-Wafa Rakhain Gain

Na Dikhayain Gain Kabhi Dil Pe Lage Zakhm Unhain
Dard Uthay Ga Magar Dil Ko Daba Rakhain Gain

Jaan De Daingain Agar Aik Ishaara Kar De
Ham Usay Apne Liye Bhi Na Bacha Ke Rakhain Gain

Sab Hata Daingain Teri Raah Ki Rukawat Hamdam
Ghar Ke Darwazay Ko Har Waqt Khula Rakhain Gain

Unki Har Baat Ko Bhoolay Say Na Bhoolain Gain Kabhi
Unki Yadoon Ko Bhi Seenay Se Laga Rakhain Gain

Toot Bhi Jaayegi Umeed Jo Tere Aanay Ki
Ek Diya Phir Bhi Hawaaon Main Jala Rakhain Gain..

===================================================================

Her Terha K Jazbaat Ka ILaan Hain Aankhain
Shabnam Kabhi Shoola Kabhi Tufaan Hain Aankhain



Aankho se Bari Koi Tarazu Nahy Hoty
Tulta Hai Bashar Jiss Main Wo Mezaan Hain Aankhain



Aankhain Hi Milaty Hain Zamanay Main Dilo Ko
Unjaan Hain Hm Tum Ager Unjaan Hain Aankhain



Lab Kuch Bhi Kahain Is Se haqeeqat Nahy Khulty
Insaan K such Jhoot Ki Pehchaan Hain Aankhain



Aankhain Na Jhukain Tere Kisi Gair K Aagay
Duniya Main Bari Cheez Mere JAAN Hain Aankahin.

==================================================================

hazaar Gam the merii zindagii akelii thii
Khushii jahaaN kii mere vaaste pahelii thii

vo aaj bach ke nikalate hain mere saaye se
ki main ne jin ke liye Gam kii dhuup jhelii thii

judaa huii na kabhii mujh se gardish-e-dauraaN
merii hayaat kii bachapan se ye sahelii thii

chaDhaa rahe hain vo hii aaj aastiin mujh par
ki jin kii piiTh pe kal tak merii hathelii thii

ab un kii qabr pe jalataa nahii.n diyaa ko_ii
ki jin kii dahar men roshan bahut havelii thii

vo jhuk ke phir merii turbat pe kar rahe hain salaam
isii adaa ne to "Mahir" kii jaan le lii thii..

===================================================================

kis ko gumaan he ab k mere saath tum b the
hye wo roz o shab k mere saath tum b the

yadish bakhair ehd e guzishta ki suhbatein
ek dor tha ajab k mere saath tum b the

be maher ee hayat ki shiddat k bawajood
ek dor tha ajab k mere saath tumbhi the

main aur taqabul e gham e doran ka hosla
kuch ban gaya sabab k mere saath tum b the

ek khaab ho gai he rah o rasm e dosti
ek waham sa he ab k mere saath tum b the

wo bazm e dost yaad to ho gi tumhain faraz
wo mehfil e tarab ke mere saath tum bhi theb.

==============================================================================

Meri raatein teri yadon se saji rehti hain
Meri saansein teri khusboo mein basi rehti hain

Meri aankhon mein tera sapna saja rehta hai
Haan merey dil mein tera aks basa rehta hai

Is tarha mere dil k buhat paas ho tum
Jis tarha paas hi sheh rag k khuda rehta hai

tum ko maloom bhi shayed ye kabhi ho k na ho
Merey aangan mein lage phool gawahi dein ge

Main ne arse se kisi phool ko dekha bhi nahi
Tujh ko socha hai to phir tujh ko hi socha hai faqat

Bas kisi aur ko tere siwa socha bhi nahi
tum ko maloom bhi shayed ye kabhi ho k na ho...

=======================================================================

Yeh Dard Mitt gaya To Phr
Yeh Zakhm Sill Gaya To Phr
Bicher Kar So0chta Ho0n Main
Woh Phr Se Mill Gaya To Phr

Mai Titliyo0n K Sheher Mai
Raho0n To Mujh Ko Fikar Hai
Woh Pho0l Jo Khila Nahi
Woh Pho0l Khil Gaya To Phr

Tujhe Bhi Kuch Nahi Mila
Mujhe Bhi Kuch Nahi Mila
Tammam Umar K Liye
Yeh Dard Mill Gaya To Phr

Main Is Liye To Aaj Tak
Sawal Bhi Na Kar Saka
Agar Mere Sawal Ka
Jawab Mill Gaya To Phr...