Jashn-e-Ghalib in 1969 at Mumbai (Sahir ka akhraj Ghalib ko)

Sahir Ludhyianvi's poem entitled "Jashn-e-Ghalib" which  he recited in Ghalib Centenary function held  in 1969 at Mumbai's Saboo Siddik Polytechnic Ground.  In this mushaera, the then Prime Minister of India Mrs. Indira Gandhi was present. Ekkees baras guzre azadi-e- kaamil ko Tab jaa ke kahin hum ko Ghalib ka khayal aaya Turbat thi kahan uski maskan tha kahan uska Ab apne sukhan parwar zehno-n men sawal aaya Sau saal se jo turbat chaadar ko tarasti thi Ab uspe aqeedat ke phoolo-n ki numayish hai Urdu ke taa'luq se kuchh bhed nahin khulta Yeh jashn ye hungama khidmat hai ke saazish hai Jin shehro-n men goonji thi Ghalib ki nava barso-n Un shehro-n men ab Urdu be-naam-o-nisha-n thehr Aazadi-e-kaamil ka Elan hua jis din Maa'toob zaba-n thehri Ghaddar zaba-n thehri Jis ehd-e-siyasat ne yeh zinda zaba-n kuchli Us ehd-e-siyasat ko marhoomo-n ka gham kyun hai Ghalib jise kehte hain Urdu hi ka shayer tha Urdu pe sitam dhaa ke Ghalib pe karam kyun hai Yeh jashn ye hungaame dilchasp khilone hain Kuchh logo-n ki kha'ahish hai kuchh log bahel jaaye-n Jo vaada-e-farda par ab tal nahin sakte hain Mumkin hai kuchh arsa is jashn pe tal jaayen Yeh jashn mubarak ho par yeh bhi sadaqat hai Hum log haqeeqat ke ehsaas se a'ari hain Gandhi ho ki Ghalib ho insaaf ki nazro-n men Hum dono-n ke qaatil hain dono-n ke pujari hain