some more dohe from urdu poetry

 Rast ko bhi dosh de,aankhe bhi kar laal,
Chhapal me jo kiil hai,pehale use nikal...

Ghar ko khoje raat din,ghar se nikle paav,
Wo rasta hi kho gaya,jis raste tha gaav.......

sunaa hai apne gao'n mein, rahaa na ab wo neem
jiske aage mand the, saare vaid haqeem

burhaa peepal ghaat ka, batiya'e din raat
jo bhee gujre paas se, sar pe rakh de haath

oopar se gurhiya hanse, andar polampol
gurhiya se hai pyaar to, tanko'n ko mat khol

andar moorat par charhe, ghee pooree mishthan
mandir ke baahar kharha, eeshwar maange daan

seeta raavan raam ka, karein vibhaajan log
ek hee tan mein dekhiye, teeno ka sanjog

wo soofee ka koul ho, ya pandit ka gyaan
jitnee beete aap par, utnaa hee sach jaan

saat samundar paar se, koee kare vyaapar
pahle bheje sarhadein, phir bheje hathiyaar

yoon hee hotaa hai sadaa, har choonar ke sang
panchhee ban kar dhoop mein, urh jaata hai rang

jeevan bhar bhatkaa kiye, khulee na man kee gaanth
uskaa rastaa chhorhkar, dekhee uskee baat

barkhaa sab ko daan de, jiskee jitanee pyaas
motee seeye seep mein, maatee mein maatee mein ghaas

jeevan ke din rain kaa , kaise lage hisaab
deemak ke ghar baith kar, lekhak likhe kitaab

yug-yug se har baagh kaa, ye hee aik usool
jisko hansnaa aagayaa, vo hee mattee phool

================================

''gori panghat se chali,bhare gagariaya neer
ghazal,bhajan sab tyaag daiN Galib aur Kabir ''

-Janab Bekal Utsahi Sahab

========================================

''isaa,allah,ishwar,ssare mantar seekh
jaane kab kis naam se,mile zyada bheekh ''

=======================================