Urdu Poetry

 Udaas Tehreer Parh Ke Meri, Mere Sanam Muskura Na Dena
Ye Aakhri Khat Main Likh Raha Hun, Khayal Karna Jala Na Dena

Guzar Rahi Hai Tumhari Kese, Bichar Ke Hum se Rula Ke Humko
haqeeton Ko Zaroor Likhna, Aana Ki Khatir Chupa Na Dena

Koi Poochay Kidhar Gaya Wo, Jo Teri Mehfil Ka Tha Sahara
Jo Furqaton Ka Sabab Bane Thay, Kisi Bashar Ko Bata Na Dena

Main Mar Bhi Jaon To Muskurana, Ehsaas-e-Gham Ki na *** Khana
Jo Qurb-e-Gham Se Nighayen Bheegen To Rukh Se Aanchal Hata Na Dena

Lahu Se Tehreer Kar Raha Hoon, Main Apni Saari Kahani MOHSIN
Jo Phar bhi Do To Paas Rakhna, Hawa Main Tukray Urha Na Dena

kaliyon ki mehak hota taroon ki zia hota
main bhi tere gulshan mein phoolon ka khuda hota

her cheez zamane ki aaina dil hoti
khamosh mohabbat ka itna to sila hota

tum haal e pareshan ki pursish k liye aate
sehra e tammana mein mela sa laga hota

her gaam per kaam aate zulfon k teri saaye
yeh qaafla e hasti be rahnuma hota

ehsas ki dali per ek phool mehakta hai
zulfon k liye tumne ik roz chuna hota 

Aye taghayur e zamana , yeh ajeeb dil lagy hai
na waqar e dosti hai, na majaal e dushmani hai

yehi zulmatain chhainiin jo tere surkh aanchalon mein
in hi zulmaton se shayad mere ghar mein roshni hai

mere saath tum bhi chalna , mere saath tum bhi aana
zara gham k raston mein , bari taiz tairgy hai

gham e zindagy kahan hai, abhi wehshaton se fursat
tere naaz utha hi lain gay, abhi zindagy pari hai

tere khush gaisu_on mein meri aarzu hai pinhaan
tere shokh bazu_on mein , meri dastaan rachi hai

jisse apna yaar kehna usse chorna bhanwar mein
yeh hadees e dilbaran hai, yeh kamal dilbari hai

woh guzar gaya hai saghar koi qaafla chaman se
kahin aag jal rahi hai , kahin raakh so gayee hai

aaj roothay huwe saajan ko buhat yaad kiya
apne ujre huwe gulshan ko buhat yaad kia

jab kabhi gardish e taqdeer ne ghaira hai humain
gaisoo-e-yaar ki uljhan ko buhat yaad kiya

jis k maathay per nayee subha ka jhoomar ho ga
hum ne us waqt ki dulhan ko buhat yaad kiya

shamma ki jaut per jalte huwe parwaanon ne
ik tere shaula e daaman ko buhat yaad kiya

aaj tootay huwe sapnon ki buhat yaad aayee
aaj beete huwe saawan ko buhat yaad kiya

hum sar e toor bhi mayoos e tajjali hi rahay
us dar e yaar ki chilman ko buhat yaad kiya

mutmayeen ho hi gaye dam o qufas mein saghar
hum aseeron ne nashaiman ko buhat yaad kiya

in bahaaron pe gulistaan pe hansi aayee hai
dil k her daagh e firozaan pe hansi aayee hai

aaj phir jaam tahi aur ghata uthi hai
aaj phir rehmat e yazdaan pe hansi aayee hai

meri bheegi huwi palkon ki chamma cham pe na ja
tere tootay huwe paimaan pe hansi aayee hai

jab koi bichra huwa dost mila hai koi
mujh ko ikhlaas e azeezan pe hansi aaye hai

mujh ko ik zeher ka challakta huwa saghar day do
mujh ko is daur k insaan pe hansi aayee hai

charagh lay k terey shehar sey guzarna hai 
yeh tajarba bhi humain aik baar kerna hai 

main woh pahar hun jo cut raha hun pani sey 
yeh dil nahi hai merey aansuoun ka jharna hai 

merey aziz main utri nadi main kia utroon 
mujhay charhay huye derya ko paar kerna hai 

bohat jadeed hun lekin yeh mera wirsa hai 
usi qadeem gali sey mujhay guzarna hai 

tumhain khabar nahi suraj bhi aks hai mera 
tamam din ka mujhay intizam kerna hai 

woh aik shakhs k jis ko ghazal bhi kehtey hain 
usi k naam sey jeena, usi sey merna hai

ye chiragh be'nazar hai ye sitara be'zubaan hai 
abhi tujh sey milta julta koi doosra kahan hai 

wohi shakhs jis pey apney dil'o'jaan nisaar ker doun 
wo ager khafa nahi hai tu zuroor badgumaan hai 

kabhi paa ke tujh ko khona kabhi kho ke tujh ko pana 
ye janam janam ka rishta terey merey darmiyaan hai 

merey saath chalney waley tujhey kia mila safar mein 
wohi dukh bhari zameen hai wohi gham ka aasman hai 

mein isi gumaan mein barsoon bara mutmai'en raha houn 
tera jism be'taghayyur hai mera pyaar jawedaan hai 

unhi rastoon ne jin per kabhi tum they saath merey 
mujhey rok rok poocha tera humsafar kahan hai.

aik wada hai kisi ka jo wafa hota nahi
Warna in taarun bhari raaton mein kia hota nahi

Ji mein ata hai ulat dein un k chehrey se naqaab
Hosla kartey hain lakin hosla hota nahi

shama jis ki abro pe jaan de de jhoom kar
Woh patanga jal to jata hai Fana hota nahi

ab to muddat se rah o rasm e nazara band hai
ab to unka toor par b samna hota nahi

har shanawar ko nahi milta talatum se kharaaj
har safeeney ka muhafiz Nakhuda hota nahi

har bhikaari pa nahi sakta muqaam e khawajgi
har kis o nakis ko Tera Ghum ata hota nahi

haye yeh begaangi apni nahi muj ko khabar
haye yeh alam k Tu dil se juda hota nahi

baar ha dekha hai Sagar rahguzaar e Ishq mein
karwaan k saath aksar rehnuma hota nahi

Shaam ko subah-e-chaman yaad aa_ii 
kis kii khushbuu-e-badan yaad aa_ii 

jab khayaalo.n me.n ko_ii mo.d aayaa 
tere gesuu kii shikan yaad aa_ii 

yaad aaye tere paikar ke khutuut 
apanii kotaahii-e-fan yaad aa_ii 

chaa.nd jab duur ufaq par duubaa 
tere lahaje kii thakan yaad aa_ii 

din shuaao.n se ulajhate guzaraa 
raat aa_ii to kiran yaad aa_ii 

kis ko qatil main kahoon kis ko masihaa samajhoon 
sab yahaan dost hi baithey hain kisey kiya samjhoon 

wo bhi kiyaa din they key har waham yaqin hota tha 
ab haqiqat nazar aaye to usey kiya samjhoon 

dil jo toota to kai haath duaa ko uthey 
aisy maahaul main ab kis ko parayaa samjhoon 

zulm ye hai key hai yaqta teri begana rawi 
lutf ye hai ke main ab tak tujhe apana samjhoon

haalat e haal k sabbab haalat e haal hi gayee
shauq mein kuch nahin gaya shauq ki zindagy gayee

sehen e khayal e yaar mein ki na basar shab e firaq
jab se woh chaan na gaya, jab se woh chandni gayee

baad bhi tere jaan e jaan dil meinr aha ajab samaan
yaad rahi teri yahan phir teri yaad bhi gayee

us ki umeed e naaz ka mujh se yeh maan tha k app
umer guzaar di jiye, umer guzar di gayee

us k badan ko di namuud hum ne sukhan mein aur phir
us k badan k wastay aik qabba bhi si gayee

us k wisal k liye apne kamaal k liye
haalat e dil k thi kharab aur kharab ki gayee

tera firaq jaan e jaan aish tha kia mere liye
yani tere firaq mein khoob sharab pii gayee

us ki gali se uth k main aan para tha apne ghar
aik gali ki baat thi aur gali gali gayee !!

Diya Khud se Bhuja Dena 
Hawa ko aur kya Dena 

Kabhi is tor se Hansna 
K duniya ko Rula Dena 

Kabhi is Rung mein Rona 
K khud pr Muskura Dena 

Main Teri Dastaras Chahon 
Mujhe aesi Dua Dena 

Main Tera Barmala Mujrim 
Mujhe khul kar Saza Dena

sholey aanch dhuwaan aur aag

hayee merey gulshan ke bhaag



terey gher main seep aur moti

mera hissa rait aur jhaag



aag laga doo! deedah-o-dill main

gaoo gaoo! deepak raag



koi na aya! koi na aya

roz munderey bola kaag



zulf-e-takhaiyul se aey sagher

khail rahey hain kaley naag

Us Shaam` Wo Rukhsat Ka Samaa Yaad Rahy Ga

Wo Shehr` Wo Koocha` Wo Makan Yaad Rahy Ga,



Wo Tees Keh" Ubhri Thi idhar Yaad Rahy Ge

Wo Dard Keh" Utha Tha Yahan Yaad Rahy Ga,



Hum Shaoq K Sholy Ki Lapak Bhool Jayein Gay

Wo Shama-E-Fasurda Ka Dhuan Yaad Rahy Ga,



Kuch MEER K Abyaat Thy` Kuchh FAIZ K Misry

Aik Dard Ka Tha Jin Main Biyan Yaad Rahy Ga,



Hum Bhool Saky Hain" Na Tujhe Bhool Sakein Gay

Tu Yaad Rahy Ga Humain` Haan Yaad Rahy Ga !

manzil-e-gham ki fizaoon se lipat ker roo loon

terye daman ki hawaoon se lipat ker roo loon 



jaam-e-maiy peeney se pehley mra ji chahta hai

bikhri zulfoon ki ghataoon se lipat ker roo loon



zerd ghunchoon ki nigahoon main nigahain daloon

surkh phoolon ki qabaoon se lipat ker roo loon





aaney waley terey rastey main bichaoon ankhain

janey waley tery paoon se lipat ker roo loon



apney majboor taqadus ke saharey sagher

deer-o-kaabah ke khudaoon se lipat ker roo loon

bajuz hava koi na Janay silsilay teray.....! 
Main Ajnabi hon keron kis se tazkiray teray...! 

yah kaisa fariab ka mossam hay aay Nigar-e-chaman...!
hava main rang na khushbo main zaiyqay teray...! 

kahan se laon tera aks apni aankhon main....! 
yah log dekhnay aaye hain aainay teray....! 

Gulon ko zakhm sitaron ko apnay ashk kahon...!
sunaon khud ko tray bas tabsiray teray...!

yah dard kam tu nahi k tu humein na mila.....! 
yah aur baat hay k hum bhi na ho sakay teray..! 

judayon ka tasvour rula gia mujh ko...!
charagh shaam se pahlay hi bujh gaye teray...! 

hazar neend jalaon teray bad mager...! 
main khwab main bhi na dekhon woh ratjagay teray...! 

havaen mossam-e-gull ki hain loryan jaise..! 
bikhr gaye hon havaon main qahqay teray...! 

kise khabr k humein aab bhi yaad hain Mohsin......! 
woh kerwatain shab-e-ghum ki woh hosalay teray...!